Жаңалықтар архивы
132
Сарапшылар тобы бірыңғай сатып алушыны және электр энергиясының теңгерімдеуші нарығын енгізу мәселесі бойынша түсіндіру науқанының жұмысы шеңберінде Қостанайға барады
2023 жылғы 31 мамырда ҚР Энергетика министрлігі бекіткен нақты уақыт режимінде Бірыңғай сатып алушының моделін және электр энергиясының теңгерімдеуші нарығын алдағы уақытта енгізу мәселелері бойынша Түсіндіру іс-шараларының кестесіне сәйкес ақпараттық-түсіндіру жұмыстары бойынша сарапшылар тобы Қостанай қаласына (Сарбай ЖЭТ) жолданады.
Естеріңізге сала кетейік, ағымдағы жылдың 1 шілдесінен бастап нақты уақыт режимінде бірыңғай сатып алушы мен электр энергиясының теңгерімдеуші нарығының жаңа моделі енгізілуде.
Осыған байланысты, электр энергиясының көтерме сауда нарығының субъектілерін ақпараттандыруды қамтамасыз ету, сондай-ақ электр энергиясы нарығының жаңа моделін түсіндіру мақсатында ҚР Энергетика министрлігі «KEGOC» АҚ, «ЭҚРҚО» АҚ және «Жаңартылатын энергия көздерін қолдау жөніндегі есеп айырысу-қаржы орталығы» ЖШС қатысуымен ел өңірлеріне көшпелі түсіндіру науқанын жоспарлады.
Кездесу уақыты: сағат 10.00-ден 16.00-ге дейін.
Мекен-жайы: Қостанай облысы, Рудный қаласы, Топорков көшесі, 31
Фото: ашық дереккөздерден
