«Электр энергиясы мен қуаты рыногының қазақстандық операторы» АКЦИОНЕРЛІК ҚОҒАМЫ

Операциялық тәулік ішіндегі сауда-саттықтар

«Операциялық тәулік ішіндегі» спот-сауда-саттықтар көпшілік мақұлдаған биржалық қағидалар мен қазіргі заманғы интернет технологияларды қолдану арқылы сауда-саттыққа қатысушылар арасында қысқа мерзімді электр-энергиясын сатып алу-сату мәмілелерін жасасуға және арнайы сауда алаңында электр энергиясын жеткізу тұтынудың тәуліктік кестесіне түзету жүргізуге арналған.

«Операциялық тәулік ішіндегі» спот-сауда-саттықтар үздіксіз қарсы сауда-саттықтар әдісі бойынша жүргізіледі. Сауда-саттықтар осы сауда-саттықтарды өткізудің уақытша регламентіне сәйкес жүргізіледі.

Сауда-саттыққа қатысуға өтінім беру тек Интернетті пайдалану арқылы жүзеге асырылады.

Сауда-саттыққа қатысуға өтінім беру электр энергиясын физикалық жеткізудің (тұтынудың) операциялық сағатына дейін кемінде 3 сағат бұрыннан кешіктірілмей жүзеге асырылады. Сатып алуға/сатуға өтінім беру, бұған дейін берілген өтінімдерді өзгерту және жою өтінімдерді қабылдау аяқталған сәтке дейін рұқсат етіледі.

Сауда-саттық аяқталғаннан кейін «сатушы-сатып алушы» жұбы және электр энергиясына мәмілелердің бағалары анықталады. Сауда-саттық нәтижелері техникалық сараптамадан өту және оларды Қазақстан Республикасында электр энергиясын жеткізу тұтынудың түзетілген кестесіне енгізу үшін жүйелік операторға жіберіледі.

«Операциялық тәулік ішіндегі» спот-сауда-саттықтарға сауда-саттыққа қатысушылардың қаржылық міндеттемелерді орындауына кепілдік беру жүйесі енгізілген.

Әрбір электр энергиясын сатып алушы сатып алуға өтінім берер алдында орталықтандырылған сауда-саттықтарға қызмет көрсетуші банктердің бірінде («БТА» АҚ, «Казкоммерцбанк» АҚ), кепілдемелік ақша қаражаттарын енгізуге арналған арнайы есеп шот ашуға міндетті.

Сауда-саттық қорытындылары бойынша нарық операторы сауда-саттықа қатысушылар арасындағы өзара есеп айырысуларды жүзеге асырады.

Әрбір сауда-саттыққа қатысушы өткізілген сауда-саттық күнінің қорытындылары бойынша өткізілген сауда-саттық нәтижелері туралы сәйкес хабарландыру алады.




Сауда-саттық кестесінің күнтізбесі

Хабарландыру
19 маусым, 2019
Қосымша сауда-саттық!

Құрметті электр энергиясының орталықтандырылған сауда-саттығына қатысушылар! 2019 жылдың шілде айына жеткізумен орта мерзімді және ұзақ мерзімді кезеңдерге арналған электр энергиясының қосымша орталықтандырылған сауда-саттықтың 2019 жылдың 26 және 27 маусымында өткізілетіндігі туралы хабарлаймыз.

02 сәуір, 2019
«КОРЭМ» АҚ Telegram-арнаны іске қосады

Біздің клиенттеріміздің көптеген өтініштері бойынша ағымдағы жылдың бірінші сәуірінен бастап «КОРЭМ» АҚ telegram-арнасы іске қосылды, онда сауда-саттық нәтижелері туралы ақпарат, сала және Компания жаңалықтары жарияланады.

Біздің телеграмм-арнамызға жазылу үшін ұялы құрылғыңызда «Telegram» мобильді қосымшасын орнатып, тіркеуден өту қажет. Тіркелгеннен кейін Telegram-да біздің арнамызды @aokorem іздеу жолына енгізу арқылы тауып, жазылым жасау керек.

01 сәуір, 2019
Мәмілелерді тіркеуге қатысты

Егер электр орта мерзімді (апта, ай) және ұзақ мерзімді (тоқсан, жыл) кезеңдерге арналған электр энергиясының орталықтандырылған сауда-саттығының қорытындылары бойынша «сатып алушы - сатушы» жұтардың бағалары бұйрықта көзделген энергия өндіруші ұйымдардың шекті тарифтерінен жоғары қалыптасса, Заңның 12-бабы 3-тармағының 1) тармақшасында көзделген энергия өндіруші ұйымның міндеті бұзылады және демек, мұндай «сатып алушы-сатушы» жұбы сауда-саттықта жасалған мәмілелер тізілімінде тіркелмейді.

Сауда-саттық нәтижелері
Мамыр 2018 2019
«Бір күн бұрын» режимінде спот сауда-саттықтар
max баға тг/кВт*сағ 7.200 7.310
min баға тг/кВт*сағ 7.200 6.390
Форвардтармен сауда-саттық
max баға тг/кВт*сағ 9.000 5.760
min баға тг/кВт*сағ 4.500 1.100
Сауда-саттық көлемдері (мың кВт*сағ)
«Бір күн бұрын» режимінде спот сауда-саттықтар 2 400 27 614
Форвардтармен сауда-саттық 901 440 696 960