Жаңалықтар
1074
CAPTCHA қорғаныс механизмінің өзгеруі туралы
Бұдан бұрын хабарлағанымыздай, «КОРЭМ» АҚ орта мерзімді және ұзақ мерзімді кезеңдерге арналған электр энергиясының орталықтандырылған сауда-саттығын өткізу кезінде сауда жүйесінің ақпараттық қауіпсіздігін қамтамасыз ету жұмыстарын жалғастыруда.
Біз өткізілетін сауда-саттыққа тұрақты талдау жүргіземіз және оның нәтижелері бойынша электр энергиясын сатып алуға/сатуға өтінімдер беру нысанында captcha қорғаныс тетігін өзгертеміз. Осы кезеңде біз кириллицалық қазақ әліпбиінің қ, ұ, ғ, і және т.б. әріптерін қолдануды бастадық. Оларды енгізу мүмкіндігі болу үшін сізге сауда операторларының компьютерлеріне қазақ пернетақтасын орнату қажет. Сауда жүйесінде электр энергиясын сатып алуға/сатуға өтінім берудің жаңартылған нұсқасына көшу 2019 жылдың 18 желтоқсанында Нұр-Сұлтан қаласы уақыты бойынша сағат 20-00-де жүзеге асырылады.
