Жаңалықтар
354
«KOREM» АҚ 2026 жылғы қыркүйекте өтетін шағын су электр станциялары (СЭС) жобаларын іріктеу бойынша аукциондық сауда-саттықтардың кестесі бекітілгені туралы хабарлайды.
Осыған байланысты «KOREM» АҚ Қазақстан Республикасының аумағында жаңартылатын энергия көздерін пайдалану жөніндегі жобаларды іске асыруды жоспарлап отырған барлық мүдделі тұлғаларды алдағы аукциондық сауда-саттықтарға қатысуға шақырады.
Шағын су электр станциялары жобаларын іріктеу бойынша аукциондық сауда-саттықтар 2026 жылғы 4 қыркүйекте өткізіледі. Жобаларды іріктеу үшін көзделген жалпы орнатылған қуат көлемі 50 МВт құрайды.
Аукциондық сауда-саттықтарды өткізу жаңартылатын энергия көздері секторын одан әрі дамытуға, энергетика саласына инвестициялар тартуға және гидроэнергетика саласындағы жаңа жобаларды іске асыру үшін қолайлы жағдайлар жасауға бағытталған.
Аукциондық сауда-саттықтардың өткізілу кестесімен және қатысу шарттарымен «KOREM» АҚ-ның ресми интернет-ресурсында танысуға болады.
Қосымша сұрақтар туындаған жағдайда, «KOREM» АҚ-ға koremadm@korem.kz электрондық поштасы немесе келесі телефон нөмірлері арқылы хабарласуларыңызды сұраймыз: +7 (7172) 982-965, +7 (7172) 982-967.
